Нов скандал со Светското првенство го тресе Катар

Организаторите на Светското првенство кое ќе биде одржано во 2022 година во Катар се најдоа во нови проблеми.

Имено, како што пренесуваат англиските медиуми околу 100 мигранти кои работеле на еден од стадионите не добиле плата веќе седум месеци. Властите за овој проблем знаеле од самиот старт, но не се потрудиле на било каков начин да го решат и сега има проблем.

Јавноста во Катар на големо ја критикува и ФИФА која не се труди на било каков начин да го притисне Катар да ги исполни своите должности.

Постојат луѓе кои седум месеци не земале плата и се поставува прашањето зошто ова се случува во државата која се спрема да биде центар на светот на еден месец, барем кога е фудбалот во прашање.