Надал се враќа на Мастерсот во Париз

Првиот светски рекет Рафаел Надал става крај на паузата и ќе се врати на терените на Мастерсот во Париз, пренесува еминентниот „Екип“.

Шпанецот е надвор од тениските терени уште од полуфиналето на УС Опен кога се здоби со повреда на коленото, но „Екип“ објави дека шпанскиот тенисер ќе игра во француската престолнина.

Во случај Надал да се појави на последниот турнир од Серијата 1000 за оваа сезона, ќе има шанса да го брани првото место на АТП ранг листата кое е сериозно нападнато од Србинот Новак Ѓоковиќ кој заостанува само 215 бода.

Мастерсот во Париз ќе се игра од 29 октомври до 4 ноември, а се очекува наскоро Надал и официјално да го потврди учеството.