Милер објасни зошто малку Германци ја добиле „Златната топка“: Ние Германците не блескаме сами

За Томас Милер може да се каже дека игра цела вечност. Германецот е член на Баерн од 2008 година и се добива впечаток дека воопшто не е променет.

Милер никогаш не нудел спектакуларен фудбал, меѓутоа поради својата посветеност, борбеност, тактичка дисциплина и голема тимска работа е омилен помеѓу тренерите и соиграчите.

Во последните недели многу се коментираше ситуацијата со „Златната топка“ која на крајот ја доби Лионел Меси иако многумина сметаат дека требаше да заврши во рацете на Левандовски.

Свој коментар даде и Милер, но и зборуваше за разликата меѓу Германците и останатите нации.

„Ние во Германија не веруваме во ѕвезди. Од мали не учат да играме како тим, да не блескаме сами. Затоа нема да видите многу германски играчи кои ја освојуваат Златната топка, но затоа гледате и четири ѕвезди на нашиот дрес“, порача Милер.

Германија во минатото четири пати беше светски шампион, последен пат во 2014 година. Тогаш Милер беше петти во изборот за Златната топка и тоа е негов најдобар пласман во кариерата.