Милан спреми понуда за напаѓачот на Барселона

Приоритет на Милан следното лето ќе биде доведување на врвен напаѓач, а најновото име на списокот на Малдини е Феран Торес од Барселона.

Феран Торес пред една година пристигна во Барселона како големо засилување од Сити за 55 милиони евра. Меѓутоа, со доаѓањето на Левандовски тој падна во втор план и добива мала минутажа.

Барселона поради финансиската ситуација е спремна да го продаде, а Милан внимателно ја следи ситуацијата и сака да го доведе на „Сан Сиро“.

Каталонците за слободата на Шпанецот бараат 25 милиони евра, сума која „росонерите“ се спремни да ја платат и веќе работат на трансферот.

Тренерот Пиоли верува дека Шпанецот одлично ќе се вклопи во неговата формација, бидејќи може да игра како централен напаѓач, но и како десно крило.

📰 @fichajesnet: #ACMilan consider Barcelona forward as potential Brahim Diaz replacementhttps://t.co/OHAlILMkEg #SempreMilan

— SempreMilan 🏆 (@SempreMilanCom) April 24, 2023