Милан прави „страшен“ тим: Спреми 100 милиони за ѕвездата на Реал

Милан во зимскиот преоден рок беше еден од најактивните клубови во Европа и донесе две големи засилувања.

„Росонерите“ потрошија 70 милиони евра за Лукас Пакета и Криштоф Пјонтек, играчи кои веднаш го покажаа својот квалитет и почнаа да си ја исплаќаат инвестицијата.

Меѓутоа, Милан сака значително да го засили тимот за следната сезона, а спортскиот директор Леонардо веќе работи на тоа.

Шпански „Дон Балон“ денес лансираше вистинска „бомба“ и тврди дека „росонерите“ ја сакаат ѕвездата на Реал Мадрид, Герет Бејл.

Вешанецот се очекуваше оваа сезона да биде прва ѕвезда кај „кралевите“ после заминувањето на Роналдо, меѓутоа и понатаму пружа бледи партии.

Наводно „кралевите“ се спремни да го продадат Бејл на лето, а таквата ситуација сака да ја искористи Милан.

„Росонерите“ доколку се пласираат во Лигата на шампиони сакаат да донесат една голема ѕвезда во тимот, а прв на листата желби на Леонардо е токму Герет Бејл за кого е спремен да плати 100 милиони евра.

Сепак, Милан ќе треба да се избори со големата конкуренција, бидејќи за 29-годишниот Велшанец силен интерес покажуваат премиерлигашите Челзи и Манчестер Јунајтед.

Наводно и самиот Бејл е спремен да ја заврши својата авантура во Мадрид и да проба нов предизвик во кариерата, тврди „Дон Балон“ и не ја исклучува можноста за негова преселба во Милано.

#DonBalon – #Bale in uscita dal #RealMadrid? Il #Milan prepara l'assalto ?https://t.co/14YKl2hlnX

— calciomercato.it (@calciomercatoit) February 16, 2019