Манчестер Јунајтед е опција за Ериксен

Кристијан Ериксен е слободен во изборот на новиот клуб, а како што стојат работите ќе остане во Премиер лигата.

Данецот ја оживеа својата кариера во Брентфорд каде што имаше договор до крајот на сезоната, а сега може да добие нови предизвици. Како што е познато на Ериксен му вграден дефибрилатор, а со тоа не може да игра во некои првенства.

Според најавите на медиумите од Островот, 30-годишниот фудбалер ќе остане во Премиер лигата.Одличниот дански играч за врска досега настапуваше за Ајакс, Тотенхем и Интер, а сега би можел да има епизода во Манчестер Јунајтед.

„Сан“ објави дека „црвените ѓаволи“ ги забрзале работите во последните денови и сакаат да го ангажираат Ериксен откако тој стана слободен играч. Ерик Тен Хаг сака да направи промени, а играч како Ериксен секако му е потребен.

Данскиот играч за врска целосно се опорави и зад себе остави здравствени проблеми и полека но сигурно се потсетува на своите најдобри денови.