Лоши вести за Полска: Пјонтек нема да игра на Европското првенство

Лоши вести пристигнуваат за Полска пред почетокот на Европското првенство.

На еден месец пред стартот на ЕП се потврди веста дека оваа репрезентација на турнирот ќе биде без одличниот напаѓач Криштоф Пјонтек.

Пјонтек заработи повреда на скочниот зглоб и неопходна ќе биде операција. Веста дека нема никакви шанси тој да настапи на ЕП ја потврди докторот на полската репрезентација, Јацек Јарошевски.

„Операцијата ќе биде неопходна. Пјонтек ќе мора да паузира три-четири месеци“, изјави докторот од репрезентацијата.