Лорис призна дека размислува да го напушти Тотенхем

Капитенот на Тотенхем, Уго Лорис откри дека пред да ја заврши кариерата планира да игра за друг клуб.

Францускиот голман има договор со Тотенхем до 2022 година, но очигледно размислува да го напушти клубот каде игра веќе осум сезони.

„Не мислам дека ќе бидам во Тотенхем до крајот на кариерата. Се уште имам договор со Тотенхем и ќе направам се за го извлечам максимумот таму. Меѓутоа, човек исто така треба да знае кога е време да се каже „стоп“. Ме интригира идејата да пробам нешто ново“, изјави Лорис.

„Не знам точно каде би одел, можеби надвор од Европа. Се уште не планирам, ќе видеме што ќе донесе времето. Можно е да се преселам во МЛС лигата“, додаде Французинот.

Лорис има 33 години, ова му е осма сезона во Тотенхем и се уште не освоил ниту еден трофеј.