Легендарниот „Сан Сиро“ ќе се руши: Клубовите добија „зелено светло“ за новиот стадион

Интер и Милан се блиску до реализацијата на нивниот проект за изградба на нов стадион, откако локалниот совет на Милано одлучи дека стадионот „Сан Сиро“ не е културно релевантен споменик.

Милан и Интер минатата година поднесоа барање за изграба на нов стадион со капацитет од 60.000 места на истата локација на која се наоѓа „Сан Сиро“.

Според документите кои ги објави весникот „Ла република“ се дава оценка на локалниот совет дека сегашниот стадион не е „културно релевантен за градот Милано“.

Тоа значи дека миланските клубови добија „зелено светло“ за рушење на легендарниот стадион и почнување на изградба на новиот стадион.

Новиот стадион и целиот комлект би требало да чини неверојатни 1,2 милијарди евра, ќе биде ултрамодерен, а клубовите очекуваат да биде готов до 2024 година.

Inter and Milan are a step closer to getting their new stadium after the local council report ruled the Stadio Giuseppe Meazza at San Siro is ‘not culturally relevant.’ https://t.co/G4OWwal0g1 #FCIM #ACMilan #SerieA #Calcio pic.twitter.com/prWoVedP3s

— footballitalia (@footballitalia) May 21, 2020