Лапорта: Гризман не се вклопи во системот на Барса

Претседателот на Барселона, Жоан Лапорта објасни зошто клубот реши да го продаде Антоан Гризман ова лето.

Гризман пред две години пристигна на „Камп Ноу“ како едно од најскапите засилувања во историјата на клубот, меѓутоа ова лето беше продаден за многу помала сума.

Покрај фактот што клубот се ослободи од неговата висока плата, Лапорта тврди дека Французинот не се вклопил во системот на Барселона.

„Точно е дека тој е фантастичен играч, но мислам дека Гризман не се вклопи во нашиот систем, иако се однесуваше професионално и се трудеше. Му посакав успех во продолжението од кариерата. Мислам дека можеше да биде многу подобар за нас, постигна важни голови но можеше многу повеќе од тоа“, изјави Лапорта.