Лазаров: Имам стратегија, ќе се обидеме да изненадиме!

Македонската ракометна репрезентација денес ги започнува подготовките за Светското првенство кое ќе се игра во јануари.

Ждребот не донесе некоја поволна ждрепка за нас, но селекторот Лазаров се надева дека можеме да бидеме изненадување.

„Кај ракометарите видов желба и мотивираност за докажување и тоа многу ме радува. Самиот пласман на Мундијалот е успех, ќе направиме се да се пласираме во вториот круг. Сигурно нема да биде лесно, но ќе се обидеме да изненадиме како атусајдери.

Имам стратегија и се надевам дека ќе ги одработиме подготовките онака како што планирам. Помладите играчи добиваа самодоверба во изминатата година и тие ги извлекоа натпреварите со Романија и Чешка. Напредувавме многу, тоа го покажавме и со доминантните победи Турција и Луксембург“, изјави Лазаров.