Куман потврди: Ме бараше Барселона, но…

Селекторот на Холандија, Роналд Куман е легенда на Барселона и често се шпекулира со негово доаѓање на клупата на Каталонците.

Куман откри дека Барселона доставила понуда, но тој ја одбил за да може да ја води својата татковина на Европското првенство.

Како што е познато, Каталонците беа во потрага по нов тренер за да го заменат Ернесто Валверде, а Куман беше една од најголемите желби на раководството.

„Да, ме побараа. Им реков НЕ, бидејќи ја предводам репрезентацијата на Холандија. Не беше вистински момент за заминување“, изјави Куман.

Куман беше играч на Барселона од 1989 до 1995 година, а од 1998 до 2000 му беше помошник на тогашниот тренер Луј ван Гал.