Крауч: Просинечки не пушеше само додека беше на теренот

Питер Крауч и Роберт Просинечки беа соиграчи една сезона во Портсмунт, но тоа беше доволно Крауч да се потсети на еден од најдобрите хрватски фудбалери на сите времиња.

За човекот кој остави длабока трага во историјата на фудбалскиот клуб Црвена Звезда, Крауч зборуваше со избрани зборови, но и се пошегува малку.

„Просинечки тешкото црвено Марлборо не го пушеше само кога беше на теренот. Едвај го гледавме на тренинзите, но бепе чудесен. Мислам дека постигнав 19 голови таа сезона, а Роби ми го намести скоро секој од нив“, изјави Крауч.

Просинечки за Портсмунт одигра 34 натпревари и постигна 9 голови. Во кариерата играше за дури 13 клубови од кои најголеми се Реал Мадрид, Барселона, Севиља, Црвена Звезда и Динамо.