Конте ќе бара нова мета, Вест Хем му даде „корпа“ на Челзи

Aнтонио Конте изгледа нема да му успее во намерата да доведе една од своите посакувани желби.

Челзи е во потрага по напаѓач во зимскиот преоден рок, а англиските медиуми во последниот период пишуваа дека Енди Керол е една од нивните желби. Во Керол Конте гледа идеална опција за влез од клупата за резерви кој би можел да го промени текот на натпреварот.

Сепак, според изјавата на помошник тренерот на Вест Хем, Керол ќе остане во Вест Хем.

„Дефинитивно се надевам дека Енди ќе остане наш фудбалер и после завршувањето на овој преоден рок. Ние не сме добиле никаква понуда, а клубот и онака не сака да се раздели со него, посебно не да го испраќа на позајмица. Таква зделка не би ни била од никаква корист“, изјави помошник тренерот на Вест Хем, Алан Ирвин.