Конте навистина сака да си оди? Оваа понуда ќе го покаже тоа!

Вчера одекна информацијата дека италијанскиот стратег, Антонио Конте сака да ја напушти екипата на Челси поради слабата финансиска помош од Роман Абрамович во трансфер периодот.

Иако тие информации многу брзо беа демантирани, а Абрамович наводно му гарантирал 250 милиони фунти на Конте за засилувања, управата на ПСЖ сепак сака да ја расипе целата ситуација.

Имено, како што пренесуваат странските медиуми, ПСЖ не е задоволен од својот тренер, Емери и сака на неговото место да го види токму Конте. Подготвени се да му гарантираат останвуање на фудбалерот Марко Верати, и исто така големи пари за нови трансфери.

Секако, освен ПСЖ, за услугите на Конте заинтересирана е екипата на Интер. Сепак, најреална опција во овој момент е останување во Челси.

Потсетуваме, Италијанецот минатата сезона ја освои Премиер лигата со Челси, а следната сезона планира да ја нападне и Лигата на Шампионите.