Конте и Клоп во трка, кој ќе стигне прв до ѕвездата на Порто?

Како што пренесува португалската „А Бола“, младиот Португалец кариерата би можел да ја продолжи во Премиер лигата.

Клоп и Конте наводно покажале голем интерес за 20 годишниот член на Порто, Рубен Навеш.

Талентираниот Португалец од почетокот на својата професионална кариера настапува за Порто, ги помина сите младински категории на селекцијата на Португалија, а запиша и два настапи за сениорите.

Според медиумите, Навеш сега е на чекор од Премиер лигата, а претставници на Ливерпул и Челзи веќе стапиле во контакт со управата на Порто во врска со трансферот на младиот фудбалер.

Се очекува клубот од „Драгао“ за неговите услуги да бара 30 милиони фунти.

Навеш запиша 90 настапи за Порто, а стана најмладиот капитен во историјата на клубот кога ја носеше капитенската лента уште во 2015 година против Макаби.