Менаџерот на Тотенхем, Антонио Конте, беше бесен на ВАР-системот откако беше поништен голот на Хари Кејн во судиското продолжение против Спортинг Лисабон.
Кејн постигна гол во 96-та минута за 2:2, но ВАР го поништи голот, поради милиметарски офсајд.
„Навистина би сакал да видам дали ВАР ќе биде толку храбар да донесе ваква одлука против некој од големите клубови. Ова не беше вистинската одлука. Топката беше пред Кејн. Жал ми е, но навистина сум лут, затоа што понекогаш не можеш да прифатиш такви одлуки бидејќи не гледаш правичност во нив. Кога јас не го гледам тоа, тогаш се лутам“, изјави Конте.
„Поради оваа одлука ќе мора да го почекаме последниот мечот со Марсеј. Повторувам дека оваа одлука ни направи огромна штета. Се надевам дека клупските газди го разбираат ова и ќе преземат нешто“, додаде Конте.
Учество во игри на среќа е дозволено за лица со 18+ години. Играј одговорно!