Клоп: Четири трофеи? Да не мислиме на луди нешта

Менаџерот на Ливерпул, Јирген Клоп не сака да зборува за можноста неговиот тим оваа сезона да освои четири трофеи.

Ливерпул го освои Лига Купот, води битка за Премиер лигата, а во Лигата на шампиони и ФА Купот е на чекор од четвртфинале.

„Нема тим во историјата на англискиот фудбал кој успеал да освои четири трофеи во една сезона. Дури ни Сити со класата со која располага веќе неколку години, не успеа во тоа. Тоа само покажува колку е тешко да се постигне такво нешто. Мислам дека не треба да мислиме на луди нешта“, изјави Клоп.