Интер и постави ултиматум на Барса за Лаутаро

Веќе подолго време се зборува за евентуалниот трансфер на Лаутаро Мартинез во Барселона, а Интер веќе им постави ултиматум на Каталонците.

Самиот Лаутаро инсистира да се пресели на „Камп Ноу“, а според некои информации веќе се договорил со Барселона.

Во неговиот договор има откупна клаузула од 111 милиони евра и Интер бара Барселона да ја плати таа сума за да се реализира трансферот.

Директорот на Интер, Бепе Марота за италијанските медиуми потврди дека откупната клаузула истекува на 7-ми јули и до тогаш мора да се реализира трансферот.

„Интер не сака да ги продава своите најдобри играчи, но случајот со Лаутаро е поинаков бидејќи има откупна клаузула. Ако Барселона сака да ја плати таа сума, тогап ние не можеме ништо. Рокот за откупната клаузула истекува на 7-ми јули“, изјави Марота.

Италијанските медиуми тврдат дека после овој датум Интер ќе одбива секакви преговори за трансфер на Лаутаро.

The €111m release clause of Inter striker Lautaro Martinez – the priority signing for Barcelona this summer – expires on 7 July, says CEO Beppe Marotta https://t.co/Ux0CZCTgbd

— footballespana (@footballespana_) June 9, 2020