ЕХФ испрати специјална честитка за Лазаров

Кирил Лазаров вчера објави крај на својата богата кариера.

Името на Лазаров ќе остане запишано како најголем во историјата на македонскиот ракомет, но и како рекордер во Европа по достигнувања кои уште долго ќе останат недостижни.

Честитки за Лазаров стигнаа од сите страни, па така и од ЕХФ Лигата на шампионите.

„Најмоќниот левучар во Лигата на шампионите. Најдобар стрелец во ова натпреварување. Талент во кој уживавме 25 години. Се пензионира на 42 години, големиот Кирил Лазаров, ќе недостигаш легендо“, гласи пораката на ЕХФ.