Емери е бивши, Арсенал бара нов тренер, три имиња на списокот

Арсенал ја започнал потрагата по нов тренер кој треба да го замени Унаи Емери, пренесуваат англиските медиуми.

Емери веќе подолго време не е сигурен на клупата поради слабите резултати, а капката која ја прелеала чашата е ремито со Саутемптон на домашен терен.

Претходно раководството имало намера да го остави Емери на клупата до крајот на сезоната, а сега донеле одлука да му врачат отказ и веќе му бараат замена.

Медиумите посочуваат три имиња кои би можеле да седнат на клупата на „топџиите“. Првиот кандидат е Маурицио Покетино кој неодамна доби отказ од Тотенхем.

Второто име е трофејниот италијански тренер Масимилиано Алегри, кој исто така е слободен, но тешко дека ќе прифати работа на средина од сезоната.

Додека третата опција е помошникот на Гвардиола, Микел Артета, кој е поранешен играч на Арсенал и одлично го познава клубот.