Добри вести за Милан пред финалето во Купот

Италијанските медиуми пренесуваат дека најверојатно Лукас Биглија ќе биде спремен за финалето од Купот против Јувентус кое на програмата е во среда.

Аргентинецот е надвор од терените од 21 април кога заработи повреда на два лумбални пршлени на мечот со Беневенто.

Првичните прогнози беа дека сезоната за Биглија е завршена, но играчот за врска се опорави порано од предвиденото и денес тренираше со остатокот од тимот.

Се уште не е сигурно дали Биглија ќе добие дозвола од лекарите за наспат, но најверојатно ќе биде повикан и ќе го почне мечот од клупата за резерви.