Во вчерашниот прв натпревар од осминафиналето во Лигата на шампионите Атлетико Мадрид на „Ванда Метрополитано“ го победи Јувентус со 2:0 и така стекна солидна предност пред реваншот во Торино.
Меѓутоа една чудна ситуација каква што барем ние досега не сме виделе се случи пред самиот почеток на натпреварот додека се интонираше химната на Лигата на шампионите.
Додека сите играчи стоеја мирно како и што е вообичаено, Гризман се заврти со грбот и изгледаше како да не сака да ја слуша химната. Медиумите пренесоа дека многу веројатно на овој начин Французинот сака да искаже бојкот кон УЕФА.
Гризман одлучи за време на интонирањето на химната да се сврти со грбот и да ја гледа кореографијата на навивачите на Атлетико Мадрид.
Тоа беше официјалното објаснување на Французинот, меѓутоа медиумите во Шпанија не му веруваат. Тие тврдат дека со овој гест Гризман само и одговорил на УЕФА за изборот на играч на годината, во кој не беше меѓу тројцата финалисти, иако минатата година го освои Светското првенство со Франција и Лига Европа со Атлетико Мадрид.
Покрај најголемата ѕвезда на тимот, химната со големи свирежи ја испратија и навивачите на „Ванда Метрополитано“ во знак на поддршка за својот миленик.
Се очекува УЕФА да започне истрага и доколку претпоставките за бојкот се потврдат Гризман би можел да биде и казнет.
?
? La reacción de Griezmann mientras sonaba el himno de la #ChampionsxESPN en medio de la silbatina del Wanda Metropolitano. pic.twitter.com/kaL8y7wvdR
— Fuera de Juego (@ESPN_FDJ) February 20, 2019
Учество во игри на среќа е дозволено за лица со 18+ години. Играј одговорно!