Германските медиуми пренесуваат дека Борусија Дортмунд постигнала договор со Базел за трансфер на одличниот дефанзивец Мануел Аканџи за кој „милионерите“ ќе платат вкупно 25 милиони евра.
Зошто проблемот со улични кучиња СÈ УШТЕ постои? | Уште еден поткаст
Двата клуба веќе подолго време преговараа, па на крајот најдоа заеднички јазик и вистинска формула за трансферот. Дортмунд на швајцарскиот клуб ќе му плати 21,5 милиони евра во кеш, плус 3,5 милиони како бонуси.
Аканџи утрово го напуштил тренинг кампот на Базел и ќе отпатува во Дортмунд на медицински прегледи, а потоа и официјално ќе го облече жолтиот дрес.
Тој ќе има голема конкуренција во Дортмунд, па за место во тимот ќе се бори со Сократис, Марк Бартра, Омер Топрак и Невен Суботиќ, кој најверојатно ќе го напушти клубот.
Инаку ова е најголема продажба во историјата на Базел заедно со Брел Емоболо, кој исто така за 25 милиони евра се пресели во Шалке.
Учество во игри на среќа е дозволено за лица со 18+ години. Играј одговорно!