Гвардиола се шегува: „Златната топка“ ќе ја добие Меси, а потоа ВАР ќе му ја додели на Ван Дајк

Менаџерот на Манчестер Сити, Пеп Гвардиола со интересна изјава за „Златната топка“ го изнасмеа фудбалскиот свет.

Наградата ќе биде доделена на церемонија на 2-ри декември, а Ван Дајк и Лионел Меси се најголеми фаворити.

„Сигурен сум дека тие прво ќе му ја дадат Златната топка на Меси, потоа ќе го проверат BAP и ќе му ја предадат на Ван Дајк“, изјави Гвардиола.

Секако, ваквата изјава на Гвардиола е иронична поради „контроверзните“ ВАР одлуки во Премиер лигата оваа сезона.