Гвардиола испрати јасна порака пред дербито со Тотенхем

Фудбалерите на Манчестер Сити утре гостуваат на Тотенхем, а Пеп Гвардиола смета дека победата за неговиот тим е обврска во овој натпревар.

Сити има бод помалку од Арсенал кој има меч повеќе, а токму гостувањето кај Тотенхем е тој заостанат натпревар за „граѓаните“. Пеп е убеден дека Сити нема да стане шампион доколку во последното коло влезе со ист број бодови како и Арсенал.

„Ако не го победиме Тотенхем, нема да ја освоиме титулата. Дојдовме овде само со една опција – да победиме. Знаеме за што играме и позитивниот притисок и фокусот ќе бидат таму“, јасен беше шпанскиот стратег.

Тотенхем го смета за тежок ривал.

„Имам огромна почит за се што направи Постекоглу. Тотенхем има одличен тим и нема да го потцениме“, изјави Пеп.

Гвардиола најави и дека за овој натпревар најверојатно ќе бидат спремни Џек Грилиш и Нејтан Аке. Натпреварот се игра во терминот од 21:00 часот.