Во Реал пристигна како ГОЛЕМО засилување, а сега е пред потпис за Арсенал

Дани Себаљос повеќе нема што да бара во Реал Мадрид, сега не може да добие шанса да биде на клупата ни кога Зидан води комбиниран состав.

Минатиот викенд, одмор добија пет првотимци, а наместо нив, на клупата беа тројца од вториот тим, а Дани Себаљос повторно остана дома. Шпанските медиуми сега пишуваат дека нема што повеќе да бара во Мадрид, а за неговите услуги заинтересирани се Јувентус и Арсенал.

Како што сега стојат работите, Арсенал е поблиску до неговиот потпис, реално на „топчиите“ им е потребен еден креативец на средината на теренот. Себаљос пристигна во Реал од Бетис минатото лето за 17 милиони евра, но делува дека Флорентино Перез само сакал да и го украде на Барселона и да го спречи да оди на „Камп Ноу“.