Владата донесе одлука: Престанува да важи забраната за спортски натпревари

После четири месеци од денес и официјално спортот во Македонија се враќа.

Владата на денешната седница донесе одлука за престанување на забраната за одржување на спортски натпревари во државата.

Ова се однесува на сите колективни спортови без разлика дали се играат во сала или на отворено. Одлуката значи и дека спортистите кои своите спортови ги играат во сала конечно ќе можат да почнат со нормалните активности и тренинзи. Некакви протоколи сепак ќе има и тие дополнително ќе бидат објавени во Службен весник.

Забраната за присуство на публика се уште е на сила.