Вејн Руни лично го убедувал Барди, но една работа пресудила да го избере Трабзон

Македонскиот репрезентативец Енис Барди вчера го комплетираше трансферот во турски Трабзонспор и поради тоа е посебно интересен за медиумите во оваа земја.

Во Турција се објавуваат и пикантерии за целиот процес на неговото преминување од Леванте во турскиот шампион. Познато беше дека Барди имаше понуда од САД и тоа од тимот на Вејн Руни.

Сега медиумите објавија дека Руни лично го убедувал македонскиот репрезентативец да се придружи на неговиот тим. Двајцата наводно и оствариле неколку средби, меѓутоа желбата на Барди била да игра во Лигата на шампионите.

Поради слична причина Барди го одбил и Олимпијакос. Во Трабзон желбата да игра во Лигата на шампионите ќе му се оствари ако го елиминираат Копенхаген во плеј-офот кој е на распоред во наредните две недели.