Вардар и Еурофарм Пелистер во Купот на Македонија може да се сретнат само во финалето

Eкипите на Вардар и Пелистер се избегнаа во полуфиналето од Купот на Македонија и ќе може да се сретнат само во битката за трофејот.

Вардарци ќе имаат потешка задача бидејќи ќе се соочат со Алкалоид, додека Пелистер ќе игра со Тиквеш. Трофејот во Купот сезонава го брани Вардар кој ова натпреварување го освојуваше 16 пати во историјата.

Еурофарм Пелистер на трофеј во Купот чека од 2005 година, додека Алкалоид и Тиквеш никогаш не го освоиле.

Кај дамите бранителот на трофејот, Ѓорче Петров ќе игра против Куманово, додека во второто полуфинале силите ќе ги одмерат Вардар и Чаир.

Завршниот турнир се игра од 17-ти до 19-ти мај во арената „Борис Трајковски“.