Борко: Од репрезентацијата сум тргнат политички

После долго време Борко Ристовски зборуваше за неговото изоставување од репрезентацијата каде што некогаш беше редовен член.

Голманот на Вардар гостуваше во емисијата на „Телма“, „Фер Плеј со Јана“ и истакна дека според него не е во репрезентацијата поради неговата политичка определеност.

„Тргнат сум од репрезентацијата политички, по наредба на висок иск човек. Не е ниту важно тоа, не сакам да зборувам. Сепак, тоа за мене беа пресметани ризици и знаев што може да се случи пред јавно да застанам на една политичка страна. Не очекував дека ќе биде толку радикално против мене, но јас сум човек кој е независен од никого и ослободен од сите стеги на општеството, финансиски, човечки и карактерно. Во иднината ќе бидам уште порадикален затоа што потребни се промени во спортот“, изјави Ристовски.

Последен голем настан на Борко во репрезентацијата му беше Европското првенство во 2020 година во Виена.