Барселона го „блиндира“ големиот талент

Барселона е во завршни преговори со младиот талент, Алехандро Балде за продолжување на соработката, пренесуваат каталонските медиуми.

Договорот на 19-годишниот Балде е приоритет за Каталонците. Левиот бек игра одлична сезона и се етаблираше како еден од најголемите шпански таленти.

Неговиот договор истекува во 2024 година, па на лето ќе влезе во последната година од договорот. Поради тоа Барселона сака што поскоро да ја продолжи соработката, бидејќи за Шпанецот интерес покажуваат мнигу европски клубови.

Последните информации се дека двете страни се блиску до договор и Балде ќе стави потпис на договор до 2027 година со откупна клаузула од 1 милијарда евра.

🚨 Alejandro Baldé will extend his contract until 2027 with Barcelona! ✍️

His release clause will be €1 billion.

(Source: @ferrancorreas) pic.twitter.com/aJJoPYw47O

— Transfer News Live (@DeadlineDayLive) May 16, 2023