Барса и Сити го следат играчот на Интер

Стефано Сенси ова лето пристигна во Интер од Сасуоло и се покажа како одлично засилување.

Сенси за кратко време стана еден од најдобрите играчи на Интер и се покажа дека овој тим направил одличен потег со неговото доаѓање. Сенси стана организатор на играта на Интер и воодушеви со настапите во досегашниот дел од сезоната.

Неговиот агент, Џузепе Рисо откри дека минатото лето за Сенси покрај Интер биле заинтересирани уште Барселона и Сити, кои и понатаму го следат италијанскиот плејмејкер.

„Конте го сакаше во Интер и направија одлична работа што го донесоа така брзо. Барселона и Сити беа заинтресирани за него минатото лето и се уште се заинтересирани и го следат фудбалерот“, изјави Рисо.