
Додека Олимпијакос се соочува со тежок удар во грчкото првенство, Жан Монтеро мора да ги следи соиграчите од страна. По операцијата на коленото, враќањето на доминиканскиот бек се очекува во април 2027 година, а по поразот од Арис тој јавно проговори колку тешко му паѓа отсуството.
Тимот од Пиреја загуби во Солун со 100-78 во седмото коло. За Олимпијакос тоа е најубедливиот пораз во домашниот шампионат уште од 2009 година.
Монтеро се огласи на платформата Икс, со порака во која разочарувањето поради принудната пауза беше во преден план.
„Навистина не мислев дека ќе биде толку фрустрирачки да не можеш да помогнеш и да напредуваш со својот тим во сезона која изгледа дека ќе донесе големи предизвици. Ќе бидам добро“, напиша бекот.
Realmente nunca pensé lo frustrante que sería el no poder ayudar y crecer con tu equipo en lo que parece ser una temporada de grandes retos 😭 i’ll be alright🤹🏽♂️
— Jean Montero (@jeanmontero03) November 16, 2026
Неговото досегашно учество во грчкото првенство се сведе на само еден натпревар, но со забележителен ефект. Во победата над Колосос од 99-83 постигна 30 поени и го доби признанието за најкорисен играч на второто коло. Сега го чека долга пауза пред повторно да може да му помогне на Олимпијакос.
Фото: Eurohoops