Баерн повторно го купува најдоброто од Германија

Ѕвездата на Лајпциг, Лукас Клостерман е нова голема желба на Баерн Минхен, пренесуваат германските медиуми.

22-годишниот десен бек на Лајпциг моментално е повреден, но веќе се етаблираше како еден од најдобрите на таа позиција во Бундеслигата.

Клостерман минатата сезона идигра 26 натпревари за „биковите“, притоа е капитен на младата германска репрезентација, па јасно е зошто е на мета на Баварците.

Него фудбалските експерти му предвидуваат блеската фудбалска кариера, па Баерн сака што е можно побрзо да го осигура неговиот потпис.

Моменталната вредност на младиот Германец изнесува околу 20 милиони евра, сума која Баварцвите немаат проблем да ја платат.