Арсенал го претстави и 5-то засилување

Активното трансферно лето на новиот менаџер на Арсенал, Унаи Емери продолжува со ангажманот на Матео Гендузи, кој доаѓа од францускиот второлигаш Лориен.

19-годишниот играч за врска е 5-то засилување за „топџиите“ ова лето и за него Арсенал ќе плати 8 милиони фунти.

Гендузи е продукт на школата на ПСЖ и веќе играше за сите младински категории на француската репрезентација. Денес и официјално беше претставен на „Емирати“ каде ќе го носи дресот со број 29.

„Матео е исклучително талентиран фудбалер и за него имаше интерес од многу клубови ширум Европа. Располага со огромен потенцијал“, изјави Унаиу Емери.