Анчелоти е првата желба – преговорите веќе започнати

Фудбалскиот сојуз на Италија веќе започнал преговори со Карло Анчелоти за преземање на кормилото од италијанската репрезнетација, пренесуваат тамошните медиуми.

Иако Вентура не си поднесе оставка после дебаклот и не успехот да се пласираат на СП, сепак јасно е дека во наредните денови ќе му биде врачен отказ.

Како што наведуваат италијанските медими првата желба на Федерацијата е Карло Анчелоти и наводно веќе се започнати преговори со искусниот стратег.

Анчелоти е без ангажман од септември кога го напушти кормилото на Баерн Минхен, а новодно во среда ќе има средба со челниците на Федерацијата.

Покрај Анчелоти на листата желби се уште Роберто Манчини, Клаудио Раниери и селекторот на младинците Ди Биџо.

Новиот селектор би требало да дебитира за италијанската репрезентација во март наредната година во пријателски натпревари против Аргентина и Англија.