Ако Донарума замине, Милан веќе избрал кој ќе го наследи?

Mногу овие денови во јавноста се пишува за можноста Џанлуиџи Донарума да го напушти Милан.

Донарума има само 22 години, но во Серија А собра повеќе од 200 настапи. Договорот на италијанскиот голман истекува во јуни, а во овој момент преговорите помеѓу Милан и агентот на Донарума, Мино Раиола не одат баш во добра насока.

Преговорите се водат подолго време, меѓутоа двете страни не можат да дојдат до договор. Ситуацијата за Милан ја комплицира Јувентус кој нуди повеќе пари и поголема провозија за Раиола.

Донарума наводно има желба да остане во Милан, но парите може да го натераат да направи „предавство“ и да премине во Торино во редовите на големиот ривал.

Според актуелниот договор Донарума заработува шест милиони евра по сезона и понудата од Милан за петгодишна соработка е осум милиони евра. Јувентус му нуди повеќе, 10 милиони евра по сезона и дополнителен бонус за потпис, како за Донарума така и за Раиола.

Поради ваквата ситуација во Милан не седат во скрстени раце и се во потрага по голман кој би можел да го наследи. Наводно една од метите Мајк Маигнан од Лил.

25 годишниот голман брани одлично и најзаслужен што Лил е лидер во француското првенство, во досегашниот дел од Ла ЛИга прими 20 голови и на дури 18 успеа да ја зачува својата мрежа.

Милан за Французинот би можел да плати 18 милиони евра, а се шпекулира дека му е спремен договор со плата од три милиони евра.