„Авионот“ кој предизвика делириум на Вембли

Авионче направено од хартија (популарно викано и чочка) фрлено од еден навивач на Англија од трибините на „Вембли“ предизвика еуфорија кај навивачите на „Гордиот Албион“ кои синоќа немаа многу шанси да се радуваат, бидејќи нивната репрезентација дури во судиското надополнување го скрши отпорот на Словенците.

Хартиеното авионче откако прелета добар дел од стадионот слета во голот на Џо Харт и предизвика воодушевување кај публиката. Англија на крајот ја победи Словенија со 1:0 и се пласира на СП 2018.