ЛИОНЕЛ МЕСИ остави неизбришлив белег во Барселона, и според многу фанови, клубот требаше да го повлече дресот со број 10 по неговото заминување. Сепак, таков чекор не беше возможен поради строгите правила на шпанската Ла Лига кои им забрануваат на клубовите да повлекуваат броеви од употреба.
Зошто проблемот со улични кучиња СÈ УШТЕ постои? | Уште еден поткаст
Аргентинската фудбалска икона пристигна на Камп Ноу како дете во 2000 година, помина низ сите младински категории и стана играч што ја промени историјата на клубот. Во дресот на Барселона освои сè што можеше да се освои, постигна стотици голови и стана симбол на генерација која доминираше во европскиот фудбал.
Иако повлекувањето на дресовите во чест на клубските легенди е честа пракса во спортот, Барселона тоа не можеше да го направи за чест на Меси. Проблемот произлегува од правилата на Ла Лига кои јасно наложуваат дека играчите од првиот тим мора да носат броеви од 1 до 25. Тоа значи дека клубовите не можат трајно да повлечат некој број, бидејќи би го намалиле бројот на регистрирани играчи за сениорскиот тим.
Поради истиот проблем, ни Реал Мадрид не можеше да го повлече дресот со број четири во чест на Серхио Рамос. За разлика од Шпанија, во многу други лиги клубовите имаат многу поголема слобода при изборот на броеви, што ја олеснува оваа чест за легендите. Пример за тоа е Наполи кој го повлече дресот на Диего Армандо Марадона, Рома го направи истото со бројот на Франческо Тоти…
Затоа “десетката” на Меси, и покрај неговиот легендарен статус, веројатно и понатаму ќе биде дел од секојдневието на Барселона. Сепак, за повеќето фанови, таа засекогаш ќе биде поврзана само со еден човек.
Учество во игри на среќа е дозволено за лица со 18+ години. Играј одговорно!