„Земјотрес“ во Мајами: Познато каде Меси ја продолжува кариерата – причината е милијарда долари

Лионел Меси, најголемата ѕвезда во МЛС лигата и според многумина еден од најдобрите играчи во историјата, ќе ја продолжи кариерата во дресот на Интер од Мајами.

Како што пренесе порталот „Атлетик“, Меси наводно договорил продолжување на соработката со тимот од Флорида.

Легендарниот Аргентинец, кој има 37 години, така ќе остане во клубот и по истекот на актуелниот договор, според кој е врзан за Интер до летото 2025 година.

Не е познато колку долго ќе продолжи Меси да игра за овој тим, но причината зад одлуката е јасна.

Екипата која е во сопственост на Дејвид Бекам, во 2026 година ќе се пресели на нов стадион чија вредност е над милијарда долари, а поранешниот капитен на репрезентацијата на Англија сака Меси да биде предводник на тимот кој ќе започне нова ера на локалниот фудбал.

Фото: Inter Miami/FB