Во пресрет на новата сезона и европските предизвици, Вардар продолжува со засилувања. Најново име во редовите на „црвено-црните“ е 26-годишниот Аргентинец Диего Факундо Кастањеда, кој пристигнува од црногорскиот прволигаш Петровац.
Зошто проблемот со улични кучиња СÈ УШТЕ постои? | Уште еден поткаст
Минатата сезона Кастањеда ја заврши со солиден учинок, седум погодоци и пет асистенции. Неговата кариера вклучува и престој во редовите на аргентинскиот фудбалски гигант Бока Јуниорс, каде настапуваше за младинскиот и „Б“ тимот на клубот.
Од Вардар не кријат задоволство од новото засилување, нагласувајќи ги неговите квалитети: „Брзината, техниката, прецизните додавања и борбениот дух се одлики што го издвојуваат Кастањеда како значајно офанзивно оружје. Тој е автентичен производ на аргентинската фудбалска школа.“
Вардар, кој летово ќе ја претставува Македонија во квалификациите за Конференциската лига, за противник во првото коло ја доби екипата на Ла Фиорита од Сан Марино. Новото засилување е дел од подготовките за тие меѓународни предизвици.
Учество во игри на среќа е дозволено за лица со 18+ години. Играј одговорно!