Уништен новиот мурал на Модриќ во Задар (Фото)

Новиот мурал на Лука Модриќ во центарот на Задар, кај познатиот кафе бар, е уништен помалку од 24 часа откако беше откриено кого прикажува. Непознат сторител ги уништи главата и лицето на славниот фудбалер на сè уште недовршениот цртеж на фасадата на зградата и напиша навредлива порака за капитенот на репрезентацијата на Хрватска.

Задарскиот уметник Валентино Радман, кој го изработи муралот посветен на најславниот жител на Задар и го наслика во дресот на репрезентацијата на Хрватска, вака го коментираше случувањето: „Жал ми е што се случи ова во Задар“, пишува Задарски.

Лука Модриќ (39), капитен и најтрофеен играч на Реал Мадрид и капитен на Хрватска, е роден во Задар. Во тој град го помина детството, а во ХНК Задар започна да тренира фудбал.