Тренерски земјотрес во Италија: Конте губи контрола, Наполи го презема италијанска легенда?!

Антонио Конте, тренерот кој минатата сезона го доведе Наполи до Скудетото, се соочува со криза уште на почетокот на новата сезона.

Два последователни порази, 1-0 од Торино во Серија А и тежок 6-2 против ПСВ во Лигата на шампионите, ги открија напнатостите во соблекувалната и покренаа сомнежи за водството на тимот од страна на Конте.

Ситуацијата дополнително ја комплицира новото засилување Ноа Ланг. Холандскиот напаѓач поголемиот дел од времето го поминува на клупата, а во медиумите отворено посочува дека Конте го игнорира и не знае што уште треба да направи за да добие шанса на теренот.

Незадоволството на играчите дополнително го зголемува притисокот врз претседателот на Наполи, Аурелио Де Лаурентис. Според најновите информации, Де Лаурентис е во контакт со Роберто Манчини, поранешниот италијански селектор, кој наводно чека можност за враќање.

Сите очи сега се насочени кон Де Лаурентис. Одлуката што ќе ја донесе може да го одреди текот на сезоната на Наполи, а шпекулациите за заминувањето на Конте стануваат се погласни.