Тони Надал, вујко и поранешен тренер на Рафаел Надал, изјави дека Карлос Алкараз имаше среќа што на патот до освојување на Кариерниот Грен слем на Австралија опен играше против противници „од понизок квалитет“.
Зошто проблемот со улични кучиња СÈ УШТЕ постои? | Уште еден поткаст
Младиот Шпанец во неделата на „Род Лејвер“ арената со пресвртот го победи Новак Ѓоковиќ со 2:6, 6:2, 6:3, 7:5 и така го спречи 24-кратниот шампион да го освои својот 11. Австралија опен. Со само 22 години, Алкараз е најмладиот маж во историјата кој успеал да ги освои сите четири Грен слема во кариерата.
– Тој има извонредни физички способности и одлична техника, а покрај тоа и среќа: неговите противници моментално се од понизок квалитет – рече Тони Надал за шпанската радио-станица „Онда Серо“ и додаде:
– Порано, кога игравте против Дел Потро, Мари или Вавринка, знаевте дека натпреварот ќе биде тежок. Ако тие имаа добар ден, можеа да ве победат.
Учество во игри на среќа е дозволено за лица со 18+ години. Играј одговорно!