Тајсон и Пол се соочија пред борбата, најголемата провокација стигна од публиката

Мајк Тајсон (58) и Џејк Пол (27) се соочија во пресрет на нивната борба, која ќе се одржи во петок навечер.

Долгоочекуваната пресметка беше проследена со провокации, но не во онаа мера што се очекуваше. Имено, Тајсон бил изненадувачки смирен и давал кратки одговори, а Пол на оригинален начин се обидел да го испровоцира.

Пол на прес-конференцијата се појави со заштита на горниот дел од десното уво, а не требаше долго да го добие прашањето – зошто му е тоа?

„Не сакам да ме гризне, па го заштитив со дијаманти“, одговори Пол, мислејќи на познатата борба во 1997 година кога Тајсон му одгриза парче од увото на Евандер Холифилд.

Boks tarihinin en pahalı 2 bileti Mike Tyson – Jake Paul maçı için satılıyor.

• Biletlerin tanesi 2 milyon dolar (yaklaşık 68 milyon 735 bin TL).pic.twitter.com/CnTc3tf2c2

— Boşuna Tıklama (@bosunatiklama) November 14, 2024

Тајсон не реагираше на таа провокација, а не беше премногу расположен за разговор со новинарите.

Во еден момент се налутил кога го прашале што ќе се случи ако загуби.

„Нема да изгубам“, луто повтори неколку пати.

Jake Paul kulağını Mike Tyson'ın ısırmaması için elmas bir kulak koruyucu takmış. 😂pic.twitter.com/ZkHapAXzp4

— MMA 101 Türkiye (@MMA101Turkiye) November 14, 2024

Најоригиналната провокација дојде од публиката. Тони Белју, поранешниот светски шампион на ВБЦ во крузер категорија, дојде во друштво на постар господин кој облече боксерска наметка и стави ракавици на рацете.

„Џејк, ако Мајк те остави да живееш, имам нов противник за тебе. Ова е прадедо на 107 години, му се вградени два нови колкови, тој е подготвен за тебе“, му рекол Белју на Пол, покажувајќи дека мислеше дека јутјуберот не е во право што го предизвика „пензионерот“ Тајсон.

''I am not gonna lose''. ❌

Defeat against Jake Paul is not an option for Mike Tyson 🎙️#BBCBoxing #PaulTyson pic.twitter.com/SOvaGxqqgH

— BBC Sport (@BBCSport) November 14, 2024

За потсетување, ноќта од петок кон сабота во Арлингтон, САД, Тајсон и Пол ќе боксираат по осум рунди од по две минути, наместо стандардните триминутни рунди карактеристични за машките професионални мечеви.