Taлески: Одиме на победа и во двата натпревари – да не ги повториме истите грешки

Пред репрезентацијата на Македонија се два тешки натпревари, утре играме против Шпанија, а еден ден подоцна против Исланд.

Филип Талески пред оовој натпревар верува дека тој и неговите соиграчи спремни ќе ги дочекаат овие два натпревари и најави дека грешките од натпреварот против Хрватска нмеа да се повторат.

„За натпреварот против Хрватска сите во репрезентацијата се согласивме дека одигравме добар натпревар, но дека со толку промашени зицери не може да се победи селекција како Хрватска. Грешевме во нападот и такви работи не смеат да ни се повторат во следните два натпревари“.

„Пред почетокот размислувањето е да одиме на победа и во двата натпревари, но ќе видиме како ќе се одвиваа работите, можеби ќе калкулираме малку со Шпанците, но засега нема такви најави. Со седум на шест играме одличе напад до чекањето идеална шанса, но имавме премногу промашени зицери и тука беше проблемот. Реализацијата беше проблем со Хрватска се надевам дека ќе бидеме подобри во тој дел“, изјави Талески.

Натпреварот Македонија и Шпанија го играат утре со почеток во 20:30 часот.