Судијата кој му покажа црвен картон на Белингам добивал навреди од Англичанецот и претходно (Видео)

Англискиот репрезентативец Џуд Белингем доби директен црвен картон во 24. коло од шпанската Ла Лига, откако беше исклучен за време на гостувањето на Реал Мадрид против Осасуна.

Според извештаите на шпанските медиуми, главниот судија Хозе Луиз Муниер му покажа црвен картон на Белингем во првото полувреме поради вербална навреда. Наводно, играчот на Реал Мадрид упатил недолични зборови кон арбитарот, иако самиот Белингем тврди дека неговите зборови биле погрешно интерпретирани.

Овој инцидент предизвика големо внимание во шпанската фудбалска јавност, особено затоа што Белингем наводно веќе имал сличен конфликт со истиот судија. Потсетувајќи на претходен случај, медиумите истакнаа дека за време на натпреварот против Еспањол, Муниер му покажал жолт картон на англискиот фудбалер, по што тој изреагирал со навредливи зборови.