Срамна објава на „Реал Мадрид ТВ“ по дербито: Пеналот е смешен, лигата е одвратна (Видео)

Реал Мадрид синоќа одигра нерешено на свој терен во градското дерби против Атлетико (1:1) во рамките на 23. коло од шпанската Ла Лига, а повторно големо внимание привлече скандалозната објава на официјалниот ТВ канал на кралскиот клуб.

На преполниот стадион „Сантијаго Бернабеу“ гледавме одличен дуел на градските ривали кој на крајот заврши без победник со резултат од 1:1, што сигурно на крајот најмногу одговара на Барселона.

Сепак, ни синоќа не помина без приговори од Реал Мадрид за судењето, а познато е дека овој клуб неодамна издаде и официјално соопштение во кое тврди дека е жестоко оштетен на некои натпревари.

Задоволството на кралевите продолжува и по градското дерби и тоа поради пеналот кој беше досуден во корист на Атлетико Мадрид.

Гостите во 35. минута од натпреварот успеаја да поведат со 1:0 кога Хулиан Алварез погоди од белата точка, а претходно судијата Градо покажа на пенал откако со помош на ВАР системот го прегледа дуелот меѓу Чоамени и Лино.

„Овој пенал е смешен. Мораме да играме против судиите, а не против противничките играчи”, се наведува во објавата на Реал Мадрид ТВ.

Се зборува за газење, а не постои. Чоамени прави сè што е можно да не го гази Лино, и тоа без никаква борба за топката. pic.twitter.com/DeyKH4rA1Q

— (Мери) (@Meritxell2014) 9 февруари, 2025