Селекторот на Аргентина Лионел Скалони со помирлив тон зборуваше пред судирот со најголемиот ривал Бразил во квалификациите за Светското првенство.
Натпреварот е на програма во ноќта меѓу вторник и среда од 1.00 часот по средноевропско време.
„Играат Аргентина – Бразил, тоа секогаш е важен натпревар, но сепак само фудбалски натпревар. Се сеќавам на сликата по финалето Копа Америка 2021 година, кога Лео седеше на скалите на Маракана со Нејмар. Верувам дека тоа е слика која треба да остане во нас. Таа слика кажува сè: најдобриот фудбалер на планетата и, возможно, вториот најдобар – седат заедно, се пријатели. Тоа е слика која треба да ја задржиме за себе. Сè останато е фудбалски меч, 90 минути на теренот, двете екипи сакаат да победат. Овде сите имаме роднина или пријател од Бразил. Играв со некои од нив и многу добро се согласуваме“, рече Скалони.
Учество во игри на среќа е дозволено за лица со 18+ години. Играј одговорно!